टि-२० बरियतामा पारस खड्काको फड्को

   नयाँ दैनिक comment 0

साउन २२, काठमाडौँ। अन्तर्राष्ट्रिय क्रिकेट परिषदले जारि गरेको नयाँ वरियतामा राष्ट्रिय टिमका कप्तान पारस खड्काले फड्को मारेका छन्।नेपालले जुलाईमा टि-२० विश्वकप छनौट ( एसिया फाइनल ) र मलेसियासंग २ वटा टि-२० को सिरिज खेलेको थियो। यस क्रममा नेपालले कुल ६ खेल खेल्यो। यस अघि यो वर्ष नेपालले जनवरी / फेव्रुवरिमा युएईसंग ३ वटा टि-२० खेल्यो। नेपाली खेलाडी मध्ये सबैभन्दा अघि रहेका कप्तान पारस ब्याटिंग वरियतामा माथि उक्लने क्रममा ४१७ रेटिंग अंक सहित ६६ औं स्थानमा रहेका छन्। अल-राउण्डरतर्फ भने पारस निकै माथि करियरकै उत्कृस्ट २५ औं स्थानमा उक्लेका छन्। अल-राउण्डर तर्फ पारस पछिल्लो पटक ३९ औं स्थानमा रहेका थिए। पारसको हाल ९० रेटिंग अंक रहेको छ। सबैभन्दा बढी पारसको ९५ रेटिंग अंकसम्म बिगतमा पुगेको थियो।

समान ९० रेटिंग अंक सहित न्युजिल्याण्डका मिचेल स्यान्टनर, भारतका सुरेश रैना र जिम्बाबेका एल्टन चिगुम्बुरा पारसकै स्थानमा रहेका छन्। रैनाले अन्तिम पटक गत वर्ष जुलाईमा अन्तिम टि-२० खेलेका थिए।अल-राउण्डर वरियतामा पारस भन्दा तल हार्दिक पान्ड्या, क्रिस गेल, क्रुनाल पान्ड्या, काइरन पोलार्ड, आन्द्रे रसेल, बेन स्टोक्स, मोइन अलि जस्ता खेलाडीहरु रहेका छन्। वरियतामा अस्ट्रेलियाका ग्लेन म्याक्सवेल ३९० रेटिंग अंक सहित पहिलो स्थानमा रहेका छन् भने शकिब अल हसन दोश्रो, मोहम्मद नाबी तेश्रो स्थानमा रहेका छन्।पारसले टि-२० विश्वकप छनौट ( एसिया फाइनल ) प्रतियोगितामा ३ खेलमा १०८ रन बनाएका थिए भने खेलेको ३ वटै खेलमा बलिंग गरेका थिएनन्। त्यस अघि मलेसियासंग २ वटा टि-२० को सिरिजमा उनले कुल १०९ रन बनाएका थिए भने दुवै खेलमा बलिंग गर्दा १ विकेट लिएका थिए। पारस नेपालको लागि टि-२० अन्तर्राष्ट्रियमा ५०० रन पुरा गर्ने एकमात्र ब्याट्सम्यान हुन् भने मलेसियासंग उनले बनाएको ८६ रन नेपाली ब्याट्सम्यानको टि-२० मा सर्वाधिक योगफल हो। बलिंगमा पारसले कुल ३ विकेट लिएका छन्।  टि-२० अन्तर्राष्ट्रियमा बसन्त रेग्मीले नेपालको लागि सर्वाधिक २५ विकेट लिएका छन्। सोमपाल कामिले २३ र करन केसीले २१ विकेट लिएका छन्। सोमपालले ब्याटिंगमा क्कुल १३५ रन बनएका छन्।

यो समाचार विकेट नेपालबाट साभार गरिएको हो ।

Leave a Reply

Your email address will not be published. Required fields are marked *